Rusia sulmon Ukrainën – NATO në takim emergjence. Scholz: Një ditë e errët për Europën!
Ukraina njofton për disa sulme me raketa dhe shpërthime në disa qytete të vendit. Kancelari gjerman, Olaf Schoz bën fjalë për një ditë të errët për Europën.
Ukraina njofton për sulme me raketa ndaj Kievit dhe qytete të tjera. Sipas raportimeve në media ka kalime të trupave ruse në disa pjesë të vendit. Sulmi i përfolur këto ditë ndaj Ukrainës, sipas disa njoftimeve i drejtohet të gjithë vendit.
Presidenti rus, Putin e ka miratuar një operacion ushtarak në Ukrainë duke e bërë të ditur në një fjalim televiziv. Menjëherë pas kësaj pati njoftime për sulmet e para dhe shpërthime në disa rajone të Ukrainës.
Presidenti i Ukrainës, Volodymyr Zelensky bëri të ditur, se shpërthimet janë dëgjuar në disa qytete të vendit. Rusia ka sulmuar infrastrukturën e vendit si edhe pika kufitare. Kurse ministri i Jashtëm ukrainas, Dmytro Kuleba flet për “sulm të gjithanshëm kundër Ukrainës.” Ministria e Brendshme ukrainase njoftoi për sulme ndaj aeroporteve ushtarakë. Në Mariupol ka pasur dy shpërthime të rënda, u njoftua të enjten në mëngjes.
Kancelari gjerman, Olaf Schoz e dënoi sulmin. “Kjo është një ditë e tmerrshme për Ukrainën dhe një ditë e errët për Europën”, tha Scholz. Kancelari gjermana telefonoi me presidentin ukrainas dhe i siguroi solidaritetin e plotë të Gjermanisë. Sekretari i Përgjithshëm i NATO-s, Jens Stoltenberg ka dënuar sulmin ndaj Ukrainës si një sulm të paturpshëm dhe pa justifikuar.
“Ky sulm “rrezikon jetën e shumë civilëve”, ka thënë Stoltenberg ndërsa Presidentja e Komisionit Europian, Ursula von e dënoi sulmin rus “ashpërsisht”. Bëhet e ditur se të enjten ambasadorët e NATO-s do të zhvillojnë shumë shpejt një takim krize në të cilin është thirrur edhe këshilli transatlantiko-verior. DW
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.