Sfida në parlament për paketën e BE, Sassoli: Nuk pranojmë shkurtime të fondeve për Erasmus dhe hulumtimet

Parlamenti Europian nuk do ta kalojë lehtë marrëveshjen e liderëve europian mbi stimujt e koronavirusit, sipas kreut të asamblesë, që premtoi të përmbysë uljen e shpenzimeve në hulumtime, programin Erasmus dhe të lidhë akodrimin e parasë me ruajtjen e vlerave demokratike.  Presidenti i parlamentit, David Sassoli mirëpriti fondin prej 750 miliardë euro për të luftuar koronavirusin, por kërkoi ndryshimin e buxhetit të BE prej 1.1 trilionë euro.

“Do donim përgjigje për disa nga shkurtimet që i shohim si të pajustifikuara”, tha ai një ditë pasi u arrit marrëveshja.  Pakti, i quajtur një arritje historike nga presidenti francez Emmanuel Macron,  erdhi në këmbim të shkurtimeve në fondet e lidhura me klimën, hulumtimet dhe paratë për programin e shkëmbimit të studentëve, Erasmus.   Sipas rregullave të BE, parlamenti duhet të miratojë paketën, që pritet të arrijë tek ekonomitë nën nevojë nga fillimi deri në mes të vitit 2021.

Megjithatë, nuk është e qartë se si asambleja mund të rihapë paktin, pa rrezikuar kolapsin e tij.   Qeveritë që po përballen me recesionin më të keq në Europë që prej Luftës së Dytë Botërore, nuk duan të shohin vonesa, duke argumentuar se dështimi për të kaluar fondet së shpejti do të përkeqësojë funksionin e fondit. Sassoli u tregua i bindur në lidhje me buxhetin e përbashkët 2021-2027.  “Nuk mund të shkurtojmë shpenzimet për të rinjtë dhe Erasmus”, – tha ai. Liderët vonuan gjithashtu një mekanizëm të ri për të limituar fondet e rimëkëmbjes për vendet që dështojnë të ruajnë lirinë e medias dhe të drejtat njerëzore, si Hungaria dhe Polonia, për të cilën Sassoli tha se është e papranueshme.

Klevis Llaha / SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.