“Shaka miliarderësh”: Buffet i rekomandoi Gates të harxhonte 370 milion dollarë në një unazë martese

Warren Buffett i ka bërë një shaka Bill Gates duke e nxitur atë të shpenzonte afër 400 milion dollarë në një unazë fejese, sipas “Marrëveshjet e Warren Buffett Vëllimi 2: Krijimi i një Miliarderi”.

Shefi ekzekutiv i Berkshire Hathaway ia bërë këtë rekomandim themeluesit të Microsoft kur ai dhe gruaja e tij e ardhshme, Melinda, vizituan Omaha-n për të blerë një unazë në 1993. Buffett i priti në aeroport dhe i shoqëroi në Borsheims, një biznes bizhuterish që ai bleu katër vjet më parë.

Investitori i famshëm i tha Gates – njeriu më i pasur në botë dhe një anëtar i bordit të Berkshire në atë kohë, si dhe një mik i ngushtë – se ai shpenzoi 6% të pasurisë së tij neto në një unazë fejese në 1951, dhe Gates duhet të bëjë të njëjtën gjë .

Gates ishte me vlerë rreth 6.2 miliardë dollarë në 1993, sipas Forbes. Pavarësisht rekomandimit të  Buffett, ai nuk pranoi të harxhonte $ 370 milion – gati 660 milion $ në dollarë të sotëm.

Për fat të mirë të Gates, kursimi mbi unazën e Melindës nuk përfundoi në katastrofë. Ata u martuan në Hawaii në 1994, dhe janë akoma bashkë më shumë se 25 vjet më vonë.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.