SHBA po kalon dy kriza, atë të Covid-19 dhe atë të reputacionit ndërkombëtar të ulët – Trump është shkaktari për të dyja
Përgjigja e Donald Trump ndaj pandemisë koronavirus, të cilën ai dikur e hodhi poshtë si një mashtrim, është kritikuar ashpër në SHBA si mjerisht e papërshtatshme deri në pikën e papërgjegjësisë.
Megjithatë, kryesisht prej Trump, një katastrofë paralele po shpaloset në të gjithë botën: prishja e reputacionit të Amerikës si një udhëheqës dhe partner ndërkombëtar i sigurt, i besueshëm dhe kompetent ndërkombëtar.
Duke folur diplomatikisht, SHBA është në spital duke marrë trajtime nga një ventilator.
“Përgjigja e vetë-përqendruar, e paqartë dhe e shurdhët e administratës së Trump [ndaj Covid-19] do të përfundojë duke u kushtuar amerikanëve triliona dollarë dhe mijëra vdekje të parandalueshme,” shkroi Stephen Walt, profesor i marrëdhënieve ndërkombëtare në Harvard.
“Por gjithashtu kjo ka ndryshuar mënyrën se si bota e percepton SHBA dhe ky ndryshim i pafavorshëm mund të jetë i përhershëm”, paralajmëroi Walt. Që nga marrja e detyrës në 2017, Trump ka ofenduar miqtë e Amerikës, minoi aleancat shumëpalëshe dhe zgjodhi konfrontimin në vend të bashkëpunimit. Sanksionet, embargot dhe bojkotet që synuan Kinën, Iranin dhe Evropën kanë qenë përçarëse globalisht.
Ka qenë prej kohësh e qartë, të paktën për shumë në Evropë, se Trump nuk mund t’i besohet. Ama tani ai shihet si një kërcënim. Nuk ka të bëjë vetëm me udhëheqjen e dështuar. Bëhet fjalë për veprime haptas armiqësore dhe të pamatura.
Dëmtimi i reputacionit në SHBA nuk kufizohet në Evropë. Mes shteteve të G7 pati shqetësim se një deklaratë e përbashkët për trajtimin e pandemisë nuk mund të pajtohej pasi Trump këmbënguli ta quante atë “virusin Wuhan” – mënyra e tij e papërpunuar e hedhjes së fajit vetëm për Kinën.
Aksioni ndërkombëtar gjithashtu është penguar në Këshillin e Sigurisë së Kombeve të Bashkuara nga kundërshtimet e SHBA-së mbi terminologjinë.
Trump ka injoruar thirrjet për të krijuar një forcë pune ose koalicion global Covid-19. Ai duket i pavëmendshëm ndaj katastrofës që mund të vrasë miliona njerëz në vendet e zhvilluara dhe ato në zhvillim e sipër.
Dosti Banushi – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.