“Shuplaka” e Komunitetit të Energjisë – “Progresi i reformave në sektorin elektroenergjetik, vetëm në letër”
Progresi në reformat strukturore të sektorit të energjisë elektrike në Shqipëri, këtë vit ishte vetëm në letër”. Kështu, e cilëson ecurinë e sektorit Komuniteti i Energjisë, në raportin e fundit të publikuar në muajin nëntor. Sipas dokumentit, Operatori i Sistemit të Transmetimit , mund të konsiderohet i pandarë plotësisht pas transferimit të kompetencave nga Ministria së Infrastrukturës dhe Energjisë.
Ndërkohë që, e vonuar konsiderohet dhe ndarja funksionale midis shpërndarjes dhe furnizimit. Sipas raportit, tre kompanitë e reja të shpërndarjes, shërbimit universal dhe furnizimit me energji nuk kanë kapacitete për të operuar në mënyrë të pavarur nga pronari aktual i aseteve dhe ofruesit të licencuar të të gjitha shërbimeve, që është Operatori i Shpërndarjes së Energjisë Elektrike.
Ndërkohë që, edhe linja e interkonjeksionit 440 kV me Kosovën është ende e pashfrytëzuar nga pikëpamja tregtare, duke pritur zgjidhjen e mosmarrëveshjeve midis operatorëve të sistemit të transmetimit të Kosovës dhe Serbisë. Dy treguesit që kanë bërë më pak progres janë çmimet me shumicë dhe ato me pakicë të energjisë. Sipas Komunitetit të Energjisë, shërbimi publik përdoret ende si justifikim për çmimet me shumicë. Ndërkohë që, për çmimet me pakicë shtyrja e hapjes së tregut është bërë në më mënyrë efektive.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.