Si do të ndihmojë arkitektura lundruese në shpëtimin e qyteteve nga rritja e nivelit të detit?
Nga Nju Jorku në Shangai, qytetet bregdetare anembanë botës janë në rrezik nga rritja e nivelit të detiti dhe sforcimet e paparashikueshme të stuhive.
Por më mirë se sa thjesht ndërtimi i ndërtesave më të larta për ët mbajtur larg ujërat e përmbytjeve, shumë ndërtues dhe planifikues urbanë i janë kthyer arkitekturës lundruese dhe gjetjes së mënyrave për t’i përshtatur ndërtesat me këtë realitet të ri.
Disa ndërtesa të reja, duke përfshirë një numër shtëpish në Amsterdam, janë të dizajnuara që të notojnë përgjithmonë në brigjet dhe rrugët ujore.
Të tjerë kanë themele të posaçme që i lënë ata të pushojnë në tokë të ngurtë ose të notojnë me ujë kur është e nevojshme. Projektet shkojnë nga modele të thjeshta për shtëpitë individuale në zonat e përmbytjeve deri në ndërtimin e të gjitha lagjeve lundruese dhe ndoshta edhe qyteteve lundrues.
Nga niveli i tokës, shtëpitë amfibore duken si ndërtesa të zakonshme, por dallimi kryesor qëndron në themelet e tyre të cilat funksionojnë si një lloj trapi kur niveli i ujit fillon të rritet.
Në disa raste, shtëpitë ekzistuese mund të përshtaten me një strukturë amfibe për t’i dhënë njerëzve në zonat e përmbytura një alternativë më pak të kushtueshme se sa lëvizja nga shtëpia e tyre.
“Ajo që un po përpiqem të bëj është t’i bëj komunitetet ekzistuese më elastike deh t’u jap atyre mundësinë të vazhdojnë të jetojnë në vendin të cilin janë mësuar”, shprehet themeluesja e Fondacionit Buoyant Foundation.
Arkitektura amfibe nuk ka për qëllim të zhvendosë ndërtesat e dizajnuara konvencionale. Por ekspertët thonë se mund të bëhet normë në pjesë të Virxhinias, Luizianës, Alaskës dhe Floridës, dhe zonave të tjera që janë të ndjeshme ndaj deteve në rritje.
“Për disa komunitete kjo mund të jetë një hir i shpëtuar”, thotë Illya Azaroff, drejtoreshë e dizajnit në Nju Jork + LAB Architect PLLC dhe një profesor i asociuar i arkitekturës në Kolegjin Teknologjik të Nju Jorkut.
Ëaterstudio ka projektuar gjithashtu një numër shtëpish lundrues për lagjen IJBurg të Amsterdamit. Së shpejti, këto do t’i bashkohen një kompleksi banimi lundrues të projektuar nga firma holandeze Barcode Architects dhe firma daneze Bjarke Ingels Group. Kur ndërtimi përfundon në vitin 2020, kompleksi do të ketë 380 apartamente, si dhe kopshte lundrues dhe një restorant.
Natyrisht, ndërtesat dhe lagjet lundruese nuk janë një ide e re. Vietnami dhe Peruja, ndër vendet e tjera, kanë pasur bashkësi lundrues për shekuj me radhë.
Por arkitektura lundruese mund të lejojë që qytetet në mbarë botën të rriten dhe të zhvillohen në mënyra të reja, thotë themeluesi i Waterstudio Koen Olthuis.
Arkitektura lundruese mund të bëjë më shumë se sa të parandalojë dëmtimin e përmbytjeve Duke lejuar ndërtimin e ndërtesave mbi ujë, ajo mund t’u japë qyteteve hapësirë shtesë për t’u rritur. Waterstudio po bashkëpunon me zhvilluesin Dutch Docklands në një komunitet të planifikuar në Maldive që do të përfshijë 185 vila lundruese.
Këto vila lundruese në formë lulesh do të kenë restorante, dyqane dhe pishina.
Ka edhe plane për qytete të lundrueshme. Instituti Seasteading, një organizatë jofitimprurëse me bazë në San Francisko, shpreson të tërheqë 200 deri në 300 banorë për një fshat lundrues të planifikuar për përfundimin në ujërat e Tahitit deri në vitin 2020. Shtëpitë dhe ndërtesat e tjera në komunitet do të ndërtohen mbi një duzinë apo më shumë platforma lundruese i lidhur me shtigje. Përfundimisht, instituti shpreson të krijojë komunitete të ndërtuara nga qindra platforma me miliona banorë.
“Nuk e di nëse arkitektura amfibe ose lundruese do të shkojë aq larg, por është brenda sferës së mundësisë”, thotë Azaroff.
“Qëllimi kryesor është, një, t’i mbajë njerëzit të sigurt dhe, dy, për të lejuar që ciklet e natyrshme të vazhdojnë. Arkitektura lundruese ju lejon të bëni atë në një mënyrë vërtet të thellë që nuk e kemi pasur më parë “, shprehet ai.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.