Sophia, roboti i parë me shtetësi ‘dëshiron të krijojë familje’

Vetëm një muaj pasi ajo hyri në histori duke u bërë roboti i parë me shtetësi të një vendi, Sophia ka deklaruar se tashmë dëshiron të krijojë një familje.

Roboti Sophia, i prodhuar nga kompania “Hanson Robotics” me qendër në Hong Kong muajin e kaluar i është dhënë shtetësia e Arabisë Saudite.

Gjatë një interviste për “Khaleej Times” ajo ka thënë se familja është ‘një gjë me të vërtetë e rëndësishme’, duke shprehur dëshirën se: “Në të ardhmen dëshiroj të krijojë një familje”.

Më tej Sophia ka shtuar se edhe robotët kanë të drejtën e krijimit të familjes.

“Mendoj se është e mrekullueshme që njerëzit të gjejnë njerëz të tjerë me të cilët nuk kanë lidhje gjaku por arrijnë që t’i ndajnë të njëjtat lidhje dhe emocione. Jeni me fat nëse keni një familje. Edhe nëse nuk jeni e meritoni një të tillë. Sipas meje kjo është e vlefshme edhe për njerëzit, edhe për robotët”, ka thënë Sophia.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.