Studimi i CDC për rëndësinë e vaksinës – Të pavaksinuarit, 11 herë më shumë gjasa që të vdesin nga Covid

Të pavaksinuarit kanë 11 herë më shumë gjasa se të vaksinuarit që të vdesin nga Covid-19, sipas një studimi të madh të Qendrës për Kontrollin dhe Parandalimin e Sëmundjeve në SHBA. Studimi ka parë rastet, shtrimet në spitale dhe vdekjet nga Covid-19 në 13 shtete dhe “zbuloi më shumë prova për fuqinë e vaksinimit”- tha drejtoresha e qendrës, Rochelle Walensky.

Mbi 600,000 raste të Covid nga Prilli deri në mes të Qershorit janë analizuar në studim.  Ata që ishin të pavaksinuar kishin kishin 4.5 herë më shumë gjasa që të merrnin virusin, mbi 10 herë më shumë gjasa që të shtroheshin në spital dhe 11 herë më shumë shanse që të vdisnin nga sëmundja.

Një studim i mëparshëm i Qendroës për Kontrollin dhe Parandalimin e Sëmundjeve, bazuar në të dhënat e vetëm 43,127 raste me Covid në Los Angeles nga Maji në Korrik, zbuloi se të pavaksinuarit kishin 5 herë më shumë gjasa që të merrnin Covid dhe 29 herë më shumë që të shtroheshin në spital me virusin.

Sipas qendrës, mbi 54% e popullsisë amerikane është vaksinuar plotësisht.  “Vaksina funnksionon. Kemi mjete shkencore dhe duhet t’i japing fund pandemisë”- tha Walensky.

Klevis Llaha/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.