Takimi i Qershorit, FED: Politikat lehtësuese po kërcënojnë stabilitetin financiar në SHBA
Ndërhyrja e fundit e Rezervës Federale në normat e interesit erdhi prej shqetësimeve se politikat lehtësuese monetare po kërcënojnë stabilitetin financiar dhe ekonominë.
Zyrtarët e Sistemit Bankar Qendror në SHBA rritën normën bazë të interesit pavarësisht niveli të dobët të inflacionit.
Sipas procesverbalit të takimit të Komisionit Federal të Tregut të Hapur në Qershor, inflacioni i ulët ka gjasa të jetë i përkohshëm dhe do të arrijë nivelin objektiv prej 2% në terma afat-mesëm.
Rezerva Federale rriti normën bazë të interesit me 0.25% në takimin e fundit dhe shpalosi planet për të reduktuar bilancin gjigant prej 4.5 trilionë dollarë.
Sipas përmbledhjes së takimit në Qershor, zyrtarët mendojnë se reduktimi i bilancit do të ketë ndikim të limituar në tregjet financiarë.
Politikëbërësit shprehën shqetësim mbi mungesën e efekteve të masave të tyre të fundit, pasi kushtet financiare janë bërë më të lehta që prej nisjes së ciklit tkurrës monetar.
Ndërsa banka ka rritur 4 herë normën bazë të interesit që prej Dhjetorit 2015, interesat e titujve qeveritar të borxhit kanë rënë dhe titujt e kapitalit janë rritur në nivele rekord.
Për yieldet e ulëta, banka bëri të ditur se mund të jetë produkt i rritjes së ngadaltë ekonomike në terma afatgjatë dhe prej bilancit prej 4.5 trilionë dollarë të përbërë nga zotërime të borxhit.
Për çmimin e aksioneve, Komisioni Federal i Tregut të Hapur sugjeroi se mund të vijë prej rritjes së tolerancës ndaj riskut nga investitorët.
Kryetarja e bordit të guvernatorëve, Janet Yellen, tha se bilanci duhet reduktuar pa tërhequr shumë vëmendjen e tregjeve
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.