Taksa minimale e korporatave botërore në 15% / Pritet të gjenerojë 150 USD mld të ardhura në vit

Shumica e vendeve që po negociojnë mbi taksimin përtej kufijve të kompanive ndërkombëtare, kanë mbështetur planet për rregulla të reja se ku kompanitë taksohen, dhe një normë prej të paktën 15%, sipas deklaratës pas 2 ditëve të bisedimeve.  Organizata për Bashkëpunim dhe Zhvillim Ekonomik, që nisi bisedimet, deklaroi se një taksë minimale korporatave botërore prej 15%, mund të gjenerojë rreth 150 miliardë dollarë  të ardhura tatimore shtesë vjetore në botë.   Organizata në Paris deklaroi se 130 vendet, që zënë rreth 90% të PBB botëror, kanë mbështetur marrëveshjen.  Sipas lajmërimit, rregullat e reja mbi vendin ku taksohen kompanitë ndërkombëtare do të ofrojnë të drejta të taksimit ndaj mbi 100 miliardë dollarë fitime që zhvendosen në vendet ku gjenerohen të ardhurat.  “Me një taksë botërore minimale, korporatat ndërkombëtare nuk do të mund të vendosin presione tek vendet që të konkurrojnë për uljen e taksave”- tha presidenti amerikan, Joe Biden.  :Ato nuk do të mund të shmangin më pjesën e tyre duke fshehur fitimet e gjeneruara në SHBA apo vende të tjera”- shtoi presidenti. Grupi i 7 ekonomive më të mëdha në botë ra dakord në Qershor për një normë tatimore minimale prej të paktën 15%.  Marrëveshja do të shkojë tek grupi i 20 ekonomive të mëdha për miratim politik në javën e ardhshme në një takim në Venecia.  Detajet teknike do të arrihen nga Tetori, q ë rregullat të mund të zbatohen deri në vitin 2023.  Nëntë vendet që nuk nënshkruan dakordësinë përfshijnë vendet e BE me taksa të ulëta, përfshirë Irlandën, Estoninë dhe Hungarinë.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.