Tatimi 5% në vit/ Rama në Kamëz: Më shumë fitime dhe aktivitet, ulet informaliteti
Rritja e fashës së biznesit që paguan vetëm 5% tatim-fitimi në vit ndihmon jo vetëm kompanitë që të rriten dhe të shtojnë fuqinë punëtore, por nga ana tjetër lufton edhe informalitetin. Kryeministri Edi Rama, i cili zgjodhi një kompani në Kamëz që operon në tregun e prodhimit të mobilieve, thekson se lehtësimi fiskal i mbi 11 bizneseve që preken nga ulja e tatimit nga 15 në 5% do të sjellë edhe më shumë rezultate kundër informalitetit.
“Gjëja që për ne është shumë e rëndësishme, është pjesa që, të lehtësohet maksimalisht kjo fashë e biznesit edhe të ketë më shumë punësim, por të dalë dhe në dritë edhe e gjithë pjesa financiare, në mënyrë që të mos ketë në masën që ka pas për të gjithë këto vite fshehje dhe informalitet, sepse na ndihmon në të gjithë procesin e konsolidimit dhe transparencës së ekonomisë,” u shpreh kryeministri Rama.
Përfaqësuesit e kompanisë janë shprehur se me lehtësimin e tatimit, qeveria i ka ndihmuar më shumë në këtë drejtim.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.