Të moshuarit, letërnjoftime pa afat, Lleshaj: “Përfitojnë mbi 200 mijë qytetarë”
Personat mbi moshën 75 vjeç të cilët do të aplikojnë për letërnjoftime pas muajit korrik, do të kenë mundësi ta marrin atë pa afat. Këtë njoftim e ka bërë Ministri i Brendshëm, Sandër Lleshaj, gjatë fjalës së tij në seancën plenare të së enjtës.
“Pjesa e moshuar marrin letërnjoftime. Kjo ka sjellë probleme të shumta për pensionistët, që janë detyruar që të pajisen më këtë kartë edhe pse nuk kanë pasur ndonjë arsye. Nuk ka nevojë që qytetarët ta ndryshojnë letrën e tyre të njoftimit, është përgatitur ligji.”
Sipas Lleshajt, kjo lehtësi vjen si rezultat i modernizimit të shërbimeve të cilat qeveria i ka në fokus duke i kërkuar opozitës ta votoj projekligjin.
Ministri i brendshëm nënvizoi se nga ndryshimet në ligjin për letërnjoftimet elektronike do të përfitojnë mbi 200 000 qytetarë në fund të muajit.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.