Thirrja e Oxfam drejtuar qeverive përpara Davos-it: Taksoni të pasurit!

Oxfam ka shtuar zërin e saj për ata që bëjnë thirrje për taksa më të larta për super të pasurit për të ndihmuar në trajtimin e niveleve në rritje të varfërisë botërore. Organizata bamirëse ndërkombëtare raporton se sipas hulumtimit të saj, gjatë pandemisë së koronavirusit, çdo 30 orë bëhej një miliarder i ri.

Thirrja erdhi ndërsa anëtarët e elitës globale mblidhen në vendpushimin alpin zviceran të Davos për Forumin vjetor Ekonomik Botëror shumë të lavdëruar.

“Ne i shohim të gjitha këto probleme, këto kriza që ndodhin, nivele të shumta krizash dhe mund të duket dërrmuese, por ka një mesazh shprese në kuptimin që ka para; ato nuk janë të shpërndara mirë,” tha drejtoresha ekzekutive e Oxfam, Gabriela Bucher.

“Ka masa që mund ta zvogëlojnë këtë pabarazi: taksimi me përqindje të ulëta. Ne po flasim për 2 % për milionerët që shkojnë deri në 5 % dhe me këtë mund të mbledhim para të mjaftueshme për të trajtuar këtë problem të thellë social.”

Madje edhe disa nga individët më të pasur në botë kanë ftuar qeveritë që t’i takojnë më shumë në një aleancë të vështirë të kohëve të fundit me aktivistët e krahut të majtë.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.