TikTok do të sfidojë urdhërin ekzekutiv të Trump mbi ndalimin në Amerikë. Bëhet gati padia për në Gjykatë

TikTok planifikon të padisë administratën Trump nga java e ardhshme mbi urdhrin ekzekutiv të presidentit që ndalon transaksionet e Sh.B.A-së me aplikacionin popullor për ndarjen e videove dhe pronaren ‘mëmë’ kineze ByteDance, konfirmoi kompania.

Sipas urdhrit ekzekutiv të presidentit të lëshuar në 6 gusht, çdo transaksion me ByteDance që i nënshtrohet juridiksionit amerikan do të përballet me ndalim brenda 45 ditësh. Shkalla e plotë e ndalimit është e paqartë, pasi i jep Sekretarit të Tregtisë fuqinë për të identifikuar ato transaksione që i nënshtrohen urdhrit të Trump.

Një urdhër i veçantë i lëshuar në 14 gusht i dha ByteDance 90 ditë për të devijuar operacionet amerikane të TikTok. ByteDance është në bisedime me blerësit e mundshëm si Microsoft dhe Oracle. Sfida për urdhrin ekzekutiv të 6 gushtit nuk ndikon në diskutimet e shitjes me Microsoft dhe Oracle.

TikTok po punon për të siguruar që punonjësit e saj të vazhdojnë të paguhen edhe nëse aplikacioni është i ndaluar në SH.B.A., sipas një personi të njohur me çështjen.

Zyrtarët e Sh.B.A janë të shqetësuar se informacioni mbi përdoruesit e TikTok mund të kalohet tek qeveria komuniste e Kinës, dhe administrata Trump po rrit përpjekjet për të hequr aplikacionet kineze nga rrjetet në internet të SH.B.A.-ve për arsye të sigurisë kombëtare.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.