Trageti i bllokuar/ Numri i të infektuarve me Koronavirus shkon në 61 – Karantina do të zgjasë deri më 19 shkurt!
41 persona të tjerë në tragetin turistik në brigjet e Japonisë kanë rezultuar pozitiv për koronavirusin e ri, duke e çuar numrin e përgjithshëm të çështjeve në bord, në 61. Rreth 3,700 njerëz janë në bordin e Diamond Princess, e cila është në karantinë në Yokohama për të paktën dy javë.
Kontrollet filluan pasi një burrë 80-vjeçar nga Hong Kong që kishte qenë në anije muajin e kaluar u sëmur me virusin. Ai nisi udhëtimin me krocerën luksoze në Yokohama më 20 Janar dhe mbërriti në Hong Kong më 25 Janar.
Një tjetër anije lundrimi e veçantë, World Dream, është në gjendje karantine në Hong Kong pasi tetë nga ish-pasagjerët e sak u infektuan nga virusi. Ka rreth 3,600 njerëz në bord, por asnjëri nuk ka dalë pozitiv deri më tani ndaj testeve.
Një anije me pronësi britanike-amerikane, Westerdam, i është refuzuar hyrja nga Japonia edhe pse nuk ka raportuar asnjë rast të virusit. Rastet e reja në Princess Diamond sjellin numrin e çështjeve të konfirmuara nga Japonia në 86, shifra e dytë më e lartë pas Kinës.
Me karantinën që do të zgjasë deri më 19 shkurt, ka pasur shqetësime edhe për furnizimet e ilaçeve normale për anije. Njëzet pasagjerë të diagnostikuar më herët tashmë janë dërguar në spitale.
61 pacientët e konfirmuar janë nga:
Japoni: 28 persona
SH.B.A.: 11
Australi, Kanada: 7
Kinë: 3
MB, Zelanda e Re, Tajvani, Filipinet, Argjentina: 1
Në total, afro 2,700 pasagjerë dhe 1000 personat e ekuipazhit vijnë nga 56 vende të ndryshme të botës. Kompania tha se po siguronte TV satelitor, filma, gazeta, shërbim në dhomë dhe thirrje telefonike falas dhe internet për të gjithë turistët në bordin e anijes. (BBC)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.