Turqia do të mbajë zgjedhje të parakohshme – Erdogan cakton datën e votimit
Më 24 Qershor, turqit do t’i drejtohet kutive të votimit, një vit përpara datës së paracaktuar për zgjedhjet parlamentare. Ka qenë vetë presidenti i Turqisë, Rexhep Tayyip Erdogan, i cili ka shpallur zgjedhjet e parakohshme, duke thënë se vendit i duhet urgjentisht të bëjë kalimin tek presidenca ekzekutive.
Fituesi i këtyre zgjedhjeve do të ketë fuqi të shtuara, për të cilat u vendos gjatë referendumit të vitit të kaluar, i cili e shndërroi Turqinë nga një republikë parlamentare në një republikë presidenciale.
Vendimi sipas Erdogan erdhi pasi kishte folur me kreun e partisë Lëvizja Nacionaliste, Devlet Bahçeli, i cili disa ditë më parë kishte hedhur idenë e votimit të parakohshmëm. Më herët, zgjedhjet parlamentare dhe presidenciale ishin pritur të mbaheshin në Nëntor të 2019-ës.
“Edhe pse presidenti dhe qeveria po punojnë në unison, sëmundjet e sistemit të vjetër na dalin para në çdo hap që ndërmarrim”, tha Erdogan në një transmetimi televiziv. “Zhvillimet në Siri dhe gjetkë e kanë bërë urgjente nevojën për të kaluar në sistemin e ri ekzekutiv në mënyrë që të marrim të ardhmen e vendit në dorë”, shtoi Erdogan.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.