Ursula von der Leyen me tone të ashpra: Do i japim fund eksportit të vaksinave nëse kompanitë nuk zbatojnë kontratat me BE
Ursula von der Leyen ka siguruar udhëheqësit e BE se do të ndalojë eksportimin e vaksinave të koronavirusit nga BE nëse furnitorë të tillë si AstraZeneca dështojnë së dorëzuari vaksinat në BE.
Premtimi i Presidentes së Komisionit Evropian në një samit virtual erdhi ndërsa udhëheqësit lëshuan një deklaratë duke premtuar të “përshpejtonin sigurimin e vaksinave”, me vetëm 8% të popullsisë së rritur që kanë marrë një vaksinë krahasuar me 27% në Mbretërinë e Bashkuar.
“Nëse kompanitë nuk përmbushin detyrimet e tyre kontraktuale, megjithatë bëjnë eksport, Komisioni mund të vendosë të bëjë një lëvizje kundër regjimit të eksportit,” u tha Von der Leyen krerëve të shtetit dhe qeverisë gjatë takimit privat, sipas një burimi të lartë diplomatik .
Muajin e kaluar Komisioni nxitoi përmes një skeme autorizimi urgjence për të lejuar vendet anëtare të BE të bllokojnë eksportet.
Duke folur në konferencën për shtyp pas samitit, Von der Leyen tha: “Ne duam të shohim se kush eksporton ku. Ne duam të dimë kompania që po eksporton një vaksinë të prodhuar në Evropë respekton kontratën në Bashkimin Evropian?
“Nëse shikojmë modelin, shumica dërrmuese e eksporteve bëhet nga BioNTech / Pfizer me rreth 95%. Pjesa tjetër nga Moderna. Të dy ata janë duke respektuar kontratën e tyre, kështu që është mirë me ne. Ne jemi në diskutime me AstraZeneca ku ka vend për përmirësim sa i përket përmbushjes së kontratës”, e mbylli fjalën von der Leyen.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.