Ushtronte aktivitetin në mënyrë ilegale dhe jashtë standardeve – AKU gjobit dhe konfiskon mjetet e dyqanit të mishit

Vijon aksioni i Autoritetit Kombëtar të Ushqimit për penalizimin e subjekteve dhe individëve të cilët tregtojnë mishin dhe produktet e tjera ushqimore jashtë standardeve të duhura.

Në këtë kuadër, AKU ka konfiskuar mjetet e punës së një dyqani që tregtonte mish dhe ka vendosur një gjobë prej 300 mijë lekëve ndaj pronarit të tij, i cili po ashtu therte kafshë në pjesën e pasme të dyqanit në mënyrë ilegale. Gjithashtu, dyqanit iu konfiskua edhe një sasi mish qengji.

Dyqani ushtronte aktivitetin në Yzberisht prej gjashtë vitesh pa dokumente ligjore dhe në kushte higjieno-sanitare tërësisht jashtë standardeve.

AKU njofton të gjithë Operatorët e Biznesit Ushqimor që aksionet do të jenë të përditshme deri sa standardet e sigurisë të arrijnë ën nivelet e duhura. Ndërkohë, u bën apel konsumatorëve që të bëjnë kujdes me blerjet e tyre.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.