Ambasadori i OKB: Irani nuk mund “të marrë të gjithë barrën për të ruajtur marrëveshjen bërthamore”

Ambasadori i Iranit në Kombet e Bashkuara ka thënë se vendi i tij “nuk mund të marrë të gjithë barrën” për të ruajtur marrëveshjen bërthamore të Iranit 2015, e njohur zyrtarisht si Plani i Veprimit të Përbashkët dhe Global (JCPOA). Majid Takht Ravanchi konfirmoi se vendi do të përshpejtojë pasurimin e uraniumit pas skadimit të afatit përfundimtar të dhënë për vendet europiane. Shtetet e Bashkuara u tërhoqën në mënyrë të njëanshme nga marrëveshja në maj të vitit të kaluar.

Duke i përshkruar sanksionet e SHBA si “të paligjshme”, Majid Takht Ravanchi, Përfaqësuesi i Përhershëm i Iranit i tha OKB: “Në aspektin praktik, JCPOA -ja është bërë një marrëveshje që respektohet vetëm nga një pjesë. “Një marrëveshje shumëpalëshe nuk mund të zbatohet në mënyrë të njëanshme. Irani ka bërë shumë dhe shumë më tepër sesa i takon për të ruajtur marrëveshjen bërthamore. Irani vetëm nuk mundet, nuk do dhe nuk do të marrë të gjitha ngarkesat për të ruajtur JCPOA -në”. “Republika Islamike e Iranit hyri në negociata me vullnet të mirë, u pajtua me përfundimin e JCPOA me vullnetin e saj të mirë, realizoi angazhimin e saj dhe pas tërheqjes së SHBA-së, u dha kohë të mjaftueshme për të mbajtur pjesëmarrësit e JCPOA me vullnet të mirë për të marrë përgjegjësitë e tyre.”, u shpreh ai.

Gjithashtu ai shtoi se tani, pjesëmarrësit e tjerë të JCPOA -së duhet ose të provojnë vullnetin e tyre të mirë duke ndërmarrë hapa në kohën e duhur, adekuate, serioze dhe praktike për të ruajtur JCPOA e cila tani është në gjendje kritike ose, së bashku me SHBA, të pranojë përgjegjësinë e plotë për çdo pasojë të mundshme.

Burimi: Euronews

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.