Ekonomia kineze humbet vrull – Investimet shënojnë nivelin më të ulët në 18 vite
Kina publikoi një serë të dhënash zhgënjyese këtë javë, përfshirë rritjen më të ngadaltë të investimeve në 18 vite, duke treguar se ekonomia e dytë më e madhe në botë po fillon të humbasë vrull ndërkohë që kostot e huamarrjes po rriten.
Prodhimi i Fabrikave dhe shitjet me pakicë u rritën gjithashtu poshtë projeksioneve. Megjithatë, një rimëkëmbje e shitjes së pronave dhe sektorit të ndërtimit ka gjasa të mbajë ekonominë kineze në formë dhe brenda objektivave të Qeverisë.
Një fuqizimi i sektorit të ndërtimit ka rritur kërkesën dhe çmimet e lëndëve të para si çimentos dhe çelikut. Investimet në aktive fikse, një nga nxitësit kryesorë të ekonomisë së dytë më të madhe në botë u rritën me 7.8% në periudhën Janar-Gusht me bazë vjetore, që është norma më e dobët që prej viti 1999.
Rënia më e madhe erdhi në investimet në infrastrukturë, për shkak të tkurrjes së shpenzimeve fiskale të Qeverisë në 2 muajt e fundit. Prodhimi industrial u rrit me 6% në Gusht me bazë vjetore, që është norma më e dobët në 9 muaj.
Ekonomistët mbajtën vlerësimin për rritjen e ekonomisë kineze në 6.8% në tremujorin e tretë. Kjo do të bëjë që të arrihet objektivi i Qeverisë për të gjithë vitin prej 6.5%, edhe nëse ndodh ndonjë ngadalësim më vonë gjatë viti.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.