Greqia, në tregjet ndërkombëtare – Lajmëron emetimin e një instrumenti 5-vjeçar, i pari që prej 2014

Greqia, në përpjekjen e parë në tre vite për t’u rikthyer në tregjet e borxhit, ka mirëpritur zotëruesit e titujve të borxhit që maturojnë në vitin 2019, për t’i ofruar një tjetër letër me vlerë 5-vjeçare.

Greqia ka qenë prezente për herë të fundit në tregjet ndërkombëtar të borxhit në vitin 2014 me dy emetime, një vit përpara se kryeministri Alexis Tsipras të pranonte programin e tretë të shpëtimit. Muajin e kaluar, Greqia përfundoi rishikimin mbi mbarëvajtjen e programit dhe huadhënësit i ofruan detaje mbi masat që do të ndërmerren, kur programi të përfundojë në 2018-ën.

Ky zhvillim, i hapi rrugën Greqisë për të provuar tregjet dhe Qeveria e Alexis Tsipras thotë se duhet parë si një testim, për të siguruar rikthimin e plotë në vitin e ardhshëm. “Vendimi është një hap kritik, pjesë e strategjisë së vendit për të rifituar akses të qëndrueshëm në tregjet ndërkombëtarë”, deklaron zyra e Tsipras duke iu referuar emetimit të instrumentit të ri 5-vjeçar.

Greqia i kërkoi BNP Paribas, Citi, Deutsche Bank, Goldman Sachs, HSBC dhe Merrill Lynch, që të organizojnë ankandin. Përcaktimi i një kuponi indikativ pritet të ndodh brenda javës, në bazë të kushteve të tregut, ndërsa emetimi më datë 1 Gusht.

Yieldi i letrës me vlerë që maturon në vitin 2019, ra ditën e Hënë në nivelin më të ulët që prej emetimit 3 vite më parë, në  3.42%.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.