Plani për punësimin në Greqi – Ministria e Punës njofton programe që vlejnë 632 mln euro për 2019-ën
Ministria e Punës në Greqi, ka lajmëruar programe të reja për papunësinë për vitin e ardhshëm. “Plani i Qeverisë përfshin prezantimin e 11 programeve me vlerë 632.5 milionë euro në tremujorin e parë 2019, që synon ndihmën e 88,500 njerëz të papunësuar”, deklaroi ministrja e punës, Effie Achtsioglou. Ministrja prezantoi 5 programe të reja që mbulojnë 3 grupe të mëdhenj të njerëzve, si shkencëtarët e rinj që pritet të punojnë në shërbimet publike ose sektorin privat, apo që marrin trajnime profesionale sipas kualifikimeve dhe eksperiencës së tyre.
“Këto programe synojnë mbështetjen e punës dhe dijes”, shprehet ministrja. Ky grup , mbulon 10,000 shkencëtar të rinj, që do të punojnë në sektor dinamik dhe me produktivitet të lartë. Programi subvencionon thuajse 50% të totalit të kostove të punës për vendet me kohë të plotë, duke lejuar sipërmarrjet që të paguajnë mbi 1,600 euro për punëtorët e rinj. Ky program arrin një total prej 112 milionë euro dhe do të zgjasë 12 muaj.
Grupi i dytë, mbulon 5,500 shkencëtarë të rinj që do të punojnë për përditësimin institucional të shërbimeve publike. Programi ka një kohëzgjatje pre 12 muajsh gjithashtu dhe një buxhet prej 90 milionë euro, me pagën e 1,140 eurove në muaj. Këto do të punojnë në projekte specifikë për sektorin public, si dixhitalizimi i regjistrave të sigurimit social.
Grupi i tretë, mbulon 16,000 njerëz të rinj që do të marrin trajnim, certifikim, praktikë dhe subvencionim për punë, me një total prej 90 milionë euro. Ministrja tha se të treja programet mbrojnë pagat, që janë shumë sipër asaj minimale.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.