Pozicioni i FMN mbi borxhin grek nuk ka ndryshuar – Lagarde: Duhet të ristrukturohet

Pozita e Fondit Monetar Ndërkombëtar mbi borxhin Grek nuk ka ndryshuar. Sipas drejtoreshës së Fondit, Christine Lagarde, borxhi grek duhet të ristrukturohet për të lejuar zhvillimin e qëndrueshëm të ekonomisë së vendit. Ristrukturimi i tij është një moment i diskutueshëm për të cilin kreditorët e vendit nuk mund të bien dakord për një muaj.

“Ne duhet të pajtohemi për këtë çështje në mënyrë që të mund të ecim përpara. Në parashikimet e mia, kjo mund të ndodhë që nga fillimi i vitit të ardhshëm”, tha Christine Lagarde.

Athina është gati të mbyllë shpejt shqyrtimin e programit të tretë dhe vendi po përgatitet tashmë për marrëveshjet përfundimtare me kreditorët para përfundimit të paketës së ndihmës. Kështu, pritet që qeveria të përgatisë një paketë prej gati 100 masash që do të miratohen nga parlamenti.

Me këto sugjerime Greqia ka në plan të përmbushë të gjitha kërkesat e reformës. Me këto sugjerime Greqia ka në plan të përmbushë të gjitha kërkesat e reformës. Këto masa nuk parashikojnë shkurtime në kosto, por ndikojnë në tema të ndjeshme si shitja e pronave të hipotekuara me kontribute të jashtëzakonshme.

Një tjetër mundësi lidhet me një ndryshim që mund të bëhet në qeveri në janar të vitit të ardhshëm. Këto skenarë me shumë gjasa pritet të ndodhin pas takimit të Eurogrupit më 22 janar 2018, i cili pritet të arrijë zyrtarisht marrëveshjen për Rishikimin e Programit të Tretë të Shpëtimit, që do t’i sigurojë vendit 5.5 miliardë euro.

Gjasat që qeveria të marrë diçka para kësaj date janë shumë të pakta, sepse kjo mund të pengojë negociatat me kreditorët.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.