Rritet numri i turistëve që kanë vizituar Maqedoninë gjatë këtij viti
Maqedoninë e kanë vizituar gjatë muajit Maj të këtij viti rreth 65 285 turistë të huaj, të cilët kanë kryer rreth 121.345 net/qëndrimi. Lajmi është bërë i ditur nga Enti Shtetëror për Statistikat, ku ndër të tjera nënvizohet se numri i turistëve të brendshëm që kanë vizituar qytetet në Maqedoni për muajin Maj ka arritur në 31.049 turistë me 78.629 net/qëndrimi.
Kështu, sipas të dhënave të Entit Shtetëror për Statistikat, numri i turistëve në maj të vitit 2017 arrin në 96.334, ndërsa numri i net/qëndrimeve arin në 199.974.
“Numri i turistëve në maj të vitit 2017, në krahasim me majin e vitit 2016, është rritur për 11,7 për qind, ndërsa numri i netëve të qëndrimit është rritur me 16.0 për qind. Numri i turistëve të brendshëm në maj të vitit 2017, në krahasim me majin e vitit 2016 është rritur për 22,5 për qind, ndërsa numri i turistëve të huaj është rritur me 7,2 për qind. Numri i netëve të qëndrimit për turistët e brendshëm në maj të vitit 2017, në krahasim me majin e vitit 2016, është rritur me 27,2 për qind, ndërsa numri i netëve të qëndrimit të turistëve të huaj është rritur për 9,8 për qind”, thuhet në njoftimin e Entit Shtetëror për Statistikat.
Në periudhën janar-maj të vitit 2017, në krahasim me atë periudhë të vitit paraprak, numri i turistëve është rritur me 11 për qind edhe për turistët vendorë ka rritje me 13.2 për qind, ndërsa te ata të huajt ka rritje për 9,9 për qind.
Në periudhën janar-maj të vitit 2017, në krahasim me periudhën e vitit paraprak, numri i netëve të qëndrimit është rritur me 11,8 për qind, ndërsa për turistët vendorë ka rritje me 10,1 për qind, ndërsa te të huajt ka rritje me 12,9 për qind.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.