Alarm ndaj variantit të ri të Covid – Azia dhe Europa shtrëngojnë masat. Raportohet se “penetron” vaksinat
Vende në Europë dhe Azi kanë shtuar masat e kufizimeve pasi një varianti i ri dhe me shumë mundësi rezistent ndaj vaksinave është zbuluar në Afrikën e Jugut, me Singaporin dhe Indinë që kanë ashpërsuar kontrollet kufijëtare. Varianti ka një protein gjemb që është shumë ndryshe nga koronavirusi origjinal, ku bazohen vaksinat e Covid-19, sipas Agjencisë së Sigurisë Shëndetësore në Britani.
Shkencëtarët nuk kanë ende informacion të plotë për variantin, e identifikuar në nisje të kësaj jave, por lajmi tronditi tregjet financiare, me aksionet aziatke që patën rënien më të madhe në 3 muaj dhe nafta që humbi mbi 3%. Varianti, i quajtir B.1.1.529, është zbuluar gjithashtu në Botswana dhe Hong Kong, sipas agjencisë. Britania ka ndalur përkohësisht fluturimet nga Afrika e Jugut, Namibia, Botswana, Zimbabëe dhe Lesotho, si dhe i kërkoi udhëtuesve britanikë që kthehen nga këto destinacione që të karantinohen.
Singapori i’u bashkua menjëherë britanisë, me ministrinë e shëndetësisë që tha se do kufizojë të gjithë të mbërriturit nga Afrika e Jugut dhe vendet përreth. Italia vendosi një ndalse të hyrjs për njerëzit që kanë vizituar disa shtete në Afrikën e Jugut, në 14 ditët e fundit. Shtetet europiane kanë përshpejtuar fushatat e dozave nxitëse dhe ashpërsuar masat, ndërkohë që kontinenti lufton me valën e katërt, nxitur nga varianti më popullor Delta.
Gjermania raportoi një rekord të ri prej mbi 76,000 raste të reja në ditë, ndërkohë që forca ajrore e vendit u përgatit për të parën herë gjatë pandemisë që të fluturojë pacientë në pjesë të tjera të vendit, për të ulur barrën e spitaleve. Berlini do të deklarojë gjithashtu Afrikën e Jugut si një zonë të variantit të ri, sipas burimeve. Japonia shtrëngoi kontrollet kufijëtare për vizitorët nga Afrika e Jugut dhe 5 shtete të tjera afrikane. Kryeministrja e zelandës se Re, Jacinda Ardern, tha se vendi është i mirëpërgatitur ndaj variantit të ri më herët gjatë javës dhe tha se do të rihapë kufijtë ndaj udhëtuesve ndërkombëtarë të vaksinuar plotësisht nga data 30 Prill.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.