Bankat presin rritje të kredisë – BQE: Standardet e huadhënies nuk do të shtrëngohen në T3

Bankat e Eurozonës presin që kërkesa për kredi të rritet në tremujorin e tretë të këtij viti, ndërkohë që do ti mbajnë të pandryshuara standardet për normat e kreditimit të korporatave dhe të kredive hipotekare, njoftoi Banka Qendrore Europian në anketën tremujore të kreditimit.

Me rritjen ekonomike që po ngadalësohet dhe paqartësitë në rritje, Banka Qendrore Europiane i ka dhënë tashmë bankave të nivelit të dytë një raund të ri të kredive shumë të lira dhe ka njoftuar lehtësim të mëtejshëm të politikave monetare. Rezultati i anketës, që jep një kontribut kyç në diskutimet e politikave monetare, sugjeron se, ndërkohë që standardet e kreditimit janë forcuar disi për kreditë e korporatave, huadhënësit nuk parashikojnë të shtrëngojnë më tej qasjen.

“Rreziku i ulët për kreditë ndaj ndërmarrjeve, rritja e perceptimit të rrezikut, shoqëruar me kosto më të larta për të depozituar fondet dhe kufizime të bilancit, kanë kontribuar në shtrëngimin e standardeve të disa kategorive të huadhënies”, tha BQE në njoftim. Ndër vendet më të mëdha të Eurozonës, standardet e huadhënies për korporatat u shtrënguar më shumë në Itali dhe Francë në tremujorin e dytë të vitit. Takimi i ardhshëm i BQE do të zhvillohet të enjten dhe tregjet presin se banka do të njoftojë masa të reja stimuluese këtë javës ose në takimin e shtatorit.

Lidion Kulla/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.