Bugatti, sjell për herë të parë në treg, një makinë që arrin mbi 300km/h

Për të gjithë të apasionuarit pas makinave, vjen mundësia për të blerë një makinë, e cila mund të arrijë 300 km/h. Bugatti, deklaron se është prodhuesi i parë i automjeteve, që sjell në treg një makinë e cila kalon 300km/h. Do të prodhohen vetëm 30 prej këtyre, dhe çmimi i kësaj makine pritet të kushtojë, 3.9 milion dollarë. Praktikisht, do të kushtojë rreth 1 milion dollarë më shumë se standardi i Bugatti Chiron, i cili kushton rreth 3.2 milion dollarë.

Bugatti Chiron Super Sport 300+, do të ketë ngjyrë të zezë, e cila nuk është një bojë e zakonshme, por fibër karboni me disa hije të holla portokalli, por konsumatorët do të mund të porosisin makinën e tyre në çfarëdolloj ngjyre që të dëshirojnë.

Ky model, do të kushtojë shumë herë më pak se modelet e tjera të Bugatti, si Divo, i cili kushton 6 milion dollarë, dhe Centodieci, i cili kushton 9 milion dollarë.

Bugatti, gjithashtu pritet të sjellë në treg dhe modelin La Voiture Noire, duke realizuar vetëm 1 të tillë, e cila do të vijë me një çmim prej 19 milion dollarë, përfshirë taksat, duke e bërë atë makinën më të shtrenjtë të re të shitur ndonjëherë.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.