Çmimi i grurit vijon rritjen – U ndikua nga raporti javor i shitjeve të eksporteve të SHBA-ve që pritet të publikohet!

Çmimi i grurit në bursën e Çikagos është rritur në tregtinë e së Enjtes, përpara raportit javor të shitjeve të eksportit nga Departamenti i Bujqësisë në Shtetet e Bashkuara, ndërkohë tregëtarët tregojnë kujdes me krizën në Ukrainë që ka ndërprerë furnizimet globale.

Kontrata më aktive e grurit në bursën e lëndëve të para të Chicagos (CBOT), Ëv1, u rrit me 0,2% në 10,43 dollarë për shinik, pas disa luhatjesh të lehta në treg.

Soja u rrit me 0.3% 16,23 dollarë për shinik, ndërsa misri Cv1 me 0,1% në 7,57 dollarë për shinik.

Tkurrja e ofertës globale të drithërave ka ndikuar çmimet, të përkeqësuara nga ndërprerjet e dërgesave nga Deti i Zi, moti i pafavorshëm në Shtetet e Bashkuara dhe  disa vende që kufizojnë eksportet.

Soja është rritur me 21% këtë vit, ndërsa gruri është rritur  me 35% dhe misri  me 27%.

Konflikti midis dy vendeve kryesore eksportuese të grurit ka përforcuar pritshëmritë për reduktimin e ofertës bujqësore globale në sezonin 2022-2023, sipas analistëve.

Ndërkohë tregu bëhet edhe më i ndjeshëm ndsaj situatës së motit në Amerikë dhe të korrave në tremujorin e dytë.

Shtete e Bashkuara vlerësuan në fillim të javës vetëm 30% të të korrave të grurit dimëror në SHBA si të mirë deri në të shkëlqyer, pasi shumë kultivues amerikanë përballen me rreziqe thatësire.

Raporti javor i shitjeve të eksportit të SHBA, është planifikuar të publikohet dhe sipas analistëve ishte pritur që në javën e përfunduar në 31 që qeveria të raportojë shitje nga 575 mijë në 1.4 milion ton drith, 600 mijë deri në 1.5 milion ton dhe shitjet e grurit nga 100 mijë – 750 mijë ton.

Blerta Lata / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.