Çmimi i lejeve të karbonit, në nivel rekord – Deputetët e BE propozojnë rregulla për të reaguar ndaj kostos së lartë të CO2

Deputetët kryesorë në Parlamentin Europian mbi reformat në tregun e karbonit, propozuan rregulla për ta bërë më të lehtë për politikëbërësit që të ndërhyjnë tek skema, nëse çmimet rriten shumë shpejt.  Politkanët e Bashkimit Europian po përgatiten të negociojnë reforma tek tregu, që është mjeti bazë politik i bllokut për të shkurtuar emetimet e karbonit. Sistemi i tregtimit të emetimeve (ETS) i BE, përmban një sasi në rënie graduale të lejeve të karbonit që impianteve dhe industrive i duhet të blejnë për të mbuluar ndotjet e tyre.

Çmimi i këtyre lejeve, që njihen si kosto e emetimit të karbonit, u rritën me rreth 150% në javën e kaluar, duke prekur nivelin rekord të lartë prej 98.5 euro për ton të CO2.  Politikani gjerman, Peter Liese, që po harton poizitën e Parlamentit Europian mbi reformat, propozoi një amendim që do të oforjë pak liri veprimi për politikëbërësit, që të japin më shumë leje të karbonit, në periudha të rritjes së fortë të çmimeve.

Neni 29a i rregullave të ETS, lejon vendet që të shtojnë leje të karbonit në treg, vetëm nëse çmimi i lejeve ndodhet për të paktën 6 muaj, mbi 3 herë sipër mesatares së 2 viteve të mëparshme.  Liese tha se Komisioni Europian, në vend të kësaj, duhet të ofrojë 100 milionë leje të CO2 në treg nga “rezerva e stabilitetit të tregut” për një periudhë 6 mujore, nëse  çmimi i lejes mesatare është mbi 2-fish nga mesatarja e 2 viteve.  Deputetët e BE do të debatojnë dhe votojnë për pozitën përfundimtare të tyre në Qershor, përpara se parlamenti dhe shtetet anëtare të negociojnë ligjin final.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.