“Dozat e para, në nisje të Javës”, Gjenerali Perna: Punëtorët e shëndetësisë dhe të moshuarit, të parët
Dozat e para të fushatës gjigante të vaksinës së Covid-19 në Shtetet e Bashkuara, do administrohen në nisje të Javës, me Pfizer dhe partnerë që kanë nisur dërgesat në vendin e goditur rëndë, sipas gjeneralit të ushtrisë amerikane, Gustave Perna. Punëtorët e shëndetësisë dhe të moshuarit në njësi të kujdesit pritet të kenë prioritet në valën e parë prej 2.9 milionë doza vaksinash këtë muaj. Perna tha se injeksionet tek punëtorët e shëndetësisë mund të nisin nga e Hëna dhe banorët në qendrat e kujdesit, deri në fund të javës. Pavarësisht muajve të përgatitjes, shpërndarja dhe administrimi i vaksinës drejt 330 milionë njerëzve përbën një sfidë gjigante të logjistikës.
Vaksina ka kërkesa komplekse të dërgesave dhe duhet të ruhet në -70 gradë Celcius. Vaksina e Pfizer u miratua për përdorim nga rregullatorët ditën e Premte, ndërkohë që rastet po rriten ndjeshëm dhe vdekjet po regjistrohen në mijëra çdo ditë. Gjenerali Guztave Perna tha se dozat e vaksinave do të dërgohen në 145 vendndodhje ditën e Hënë. Pjesa e mbetur e 636 venddodhjeve të përzgjedhura nga Shtetet, do të marrin dozat të Martën dhe të mërkurën. Brenda 3 Javësh, Perna, që drejton edhe programin e vaksinës të njohur si Operacioni Shpejtësia e Dritës, tha se çdo njësi e kujdesit do të ketë marrë vaksinën.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.