E diela pariziene me një Champs – Elysees të shkatërruar!
Parisi është zgjuar mes dëmesh pas një tjetër dite protestash të dhunshme. Sipas një raportimi të Agence France-Presse, rreth 80 dyqane në sheshin portik të kryeqytetit francez u dëmtuan. Dhjetëra prej tyre janë plaçkitur dhe ju është vënë zjarri. Kjo ishte e shtuna e njëzet e tetë e protestave.
Jelekët e Verdhë kanë protestuar në të gjithë Francën që nga nëntori i vitit të kaluar. Presidenti francez, Emmanuel Macron, i cili ndërpreu pushimet e tij të skive pas një turneu në Afrikë, u zotua në një postim në Twitter se do të merreshin “masa të forta” për të parandaluar dhunën.
Në një intervistë për Le Parisien, kryebashkiakja e Parisit, Anne Hidalgo, ka thënë se dëshiron që qeveria të shpjegojë se cilat ishin masat e marra për të garantuar sigurinë në Champs-Elysees.
Lëvizja e Jelekëve të Verdhë u zbeh së fundmi pasi qeveria e Macron-it solli një iniciativë të debatit kombëtar, i cili lejoi individët dhe partitë opozitare të shprehnin pakënaqësinë e tyre duke dhënë propozimet e veta. Ky proces përfundoi më 15 mars.
Një sondazh i lëshuar pak ditë më parë tregoi se nga dhjetë individë francezë të anketuar, shtatë prej tyre nuk mendonin se debati do të zgjidhte krizën, ndërsa 63 përqind mendonin se qeveria nuk do të merrte parasysh ndonjë nga propozimet e dhëna.
Burimi: Bloomberg
J.V/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.