Eksportet ruse të grurit mbështeten nga stoqet – Pavarësisht sanksioneve, mallrat kalojnë nëpërmjet Detit të Zi

Rusia do të jetë në gjendje të rrisë eksportet në sezonin e ri korrik-qershor për shkak të stoqeve të larta të bartjes në jug të vendit, një parashikimi rekord të të korrave dhe përfundimit të një kuote shtetërore të eksportit, parashikon kompania konsulente Sovecon.

Eksportuesit rusë kanë arritur kryesisht të zgjidhin problemet me logjistikën dhe transferimin e pagesave të shkaktuara nga sanksionet perëndimore të vendosura ndaj Moskës që nga fundi i shkurtit dhe po eksportojnë grurë nga nëpërmjet Detit të Zi dhe në mënyrë sporadike nga Deti Azov.

Si një nga eksportuesit më të mëdhenj në botë të grurit, eksportet më të larta nga Rusia do të ndihmojnë për të përmbushur pjesërisht kërkesën në rritje globale në rast se eksportet e Ukrainës mbeten të ulëta dhe Kievi nuk rifiton aksesin në portet e tij të Detit të Zi.

Sovecon tha se nëse një marrëveshje armëpushimi arrihet deri në verë, Ukraina do të rrisë shpejt eksportet e grurit nga portet e saj jugore, pasi Kievit i duhet të shesë rezervat e larta dhe të marrë valutë të huaj për të financuar importet. Të dy skenarët do të ndihmojnë për të lehtësuar shqetësimet globale mbi sigurinë ushqimore dhe për të ulur çmimet globale, duke lehtësuar presionin mbi vendet më të varfra ku rritja e kostove për grurin e importuar po godet buxhetet e shtetit.

Sovecon vlerëson eksportet e grurit të Rusisë në sezonin korrik-qershor 2022/23 në 41.0 milionë ton, krahasuar me 33.9 milion ton në sezonin aktual. Rusia është në rrugën e duhur për një prodhim rekord të grurit për vitin 2022 prej 87.4 milionë tonësh, tha Sovecon, duke e rritur parashikimin e saj me 900,000 ton.

Ukraina, ndërkohë, mund të eksportojë 20 milionë ton grurë në sezonin 2022/23 nëse portet e saj hapen sërish.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.