Franca, 8 miliardë euro ndihmë ndaj inflacionit – Plani për të ndihmuar familjet, të papunët dhe pensionistët

Rritja e vazhdueshme e cmimeve, tashmë jo vetëm për energjinë dhe karburantet por dhe për produktet bazë, ka dëmtuar rëndë fuqinë blerëse. Në Francë, po planifikohet një ndihmë prej 8 miliardë euro për familjet, për të luftuar inflacionin.

Ligjvënësit francezë po hartojnë një projektligj për të forcuar fuqinë blerëse të familjeve duke rritur disa forma të ndihmës qeveritare me 4%, nga muaji korrik deri në prill të vitit të ardhshëm, sipas raportimeve të mediave vendase.

Rritjet e planifikuara do të zbatohen për përfitimet shëndetsore për familjet, të papunët, pensionistët dhe personat me aftësi të kufizuara dhe do të hyjnë në fuqi në korrik.

Ndërkohë shtesat për strehimin mund të rriten me rreth 3.5% duke filluar nga korriku si pjesë e një fature të vecantë.

Banka Qendrore e Francës parashikoi këtë muaj se inflacioni në vend do të jetë mesatarisht 5.6% këtë vit para se të bjerë në 3.4% në vitin 2023 dhe të ulej nën objektivin prej 2% të Bankës Qendrore Evropiane në 2024.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.