Gjashtë muaj me vaksinën e Moderna. Kompania thekson se mbrojtja ndaj Covid-19 vazhdon të jetë e fortë
Moderna deklaroi se vaksina e Covid-19 tregon ende mbrojtjte të fortë kundër sëmundjes 6 muaj pasi njerëzit kanë marrë dozën e dytë, me një efektshmëri prej mbi 90% kundër të gjithë rasteve të Covid-19 dhe mbi 95% të sëmundjes së ashpër. Prodhuesi i vaksinës theksoi se zhvillimet 6-mujore tregojnë se efikasiteti qëndron i njëjtë me studimin origjinal. Kompania ka nisur gjithashtu të testojë versione të reja të vaksinës që shënjestrojnë variantin shqetësues të koronavirusit, që është identifikuar fillimisht në Afrikën e Jugut. Moderna theksoi se dy versionet e vaksinës që po teston, rrisin nivelin e antitrupave neutralizues kundër varianteve shqetësuese.
Vaksina e Moderna është autorizuar apo miratuar për përdorim në mbi 40 vende në botë. Injeksioni përdor teknologjinë e lajmëtarit të ARN, që përmban udhëzime për qelizat njerëzore që të prodhojnë proteinën që imiton pjesë të koronavirusit. Udhëzimet nxisin sistemin imunitar që të veprojë, duke e kthyer trupin në një fabrikë shkatërruese të virusit. Tek këto vaksina, nuk përmbahet asnjë virus. Kompania deklaroi se ka dërguar rreth 132 milionë doza në të gjithë botën, përfshirë 117 milionë në SHBA. Moderna theksoi se çmimi mesatar i shitjes në SHBA gjatë tremujorit të parë ishte rreth 15.4 dollarë për dozë, ndërsa jashtë SHBA, varionte nga 22-37 dollarë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.