Ja çfarë ndodh kur paga përfshihet në ofertat për punë!
Listimet e vendeve të punës mund të jenë jashtëzakonisht të detajuara, me lista të gjata të përgjegjësive dhe aftësive të kërkuara, përshkrime të kulturës dhe përfitimeve të kompanisë dhe shumë arsye të tjera pse mund të dëshironi të punoni atje. Por shpesh ka një mungesë të dukshme: paga.
Sipas ekspertëve, vetëm rreth 12% e postimeve nga faqet e punës në SHBA në internet përfshijnë informacion mbi pagat. Dhe kjo është një rritje nga 8% në 2019. Një pjesë e arsyes së rritjes është tregu më i fortë i punës.
Por një numër në rritje kompanish së shpejti do t’u kërkohet nga qeveritë e tyre vendore që të bëjnë të ditur se çfarë do të paguajnë. Një ligj i ri në qytetin e Nju Jorkut, për shembull, kërkon që punëdhënësit të përfshijnë një gamë pagash në listat e vendeve të punës. Ligji, i cili hyn në fuqi në maj, zbatohet për punëdhënësit me katër ose më shumë punonjës dhe përjashton firmat me personel të përkohshëm.
Kostot e punës janë një shpenzim i madh për kompanitë, dhe mos zbulimi i asaj që ata janë të gatshëm të paguajnë mund t’u mundësojë atyre të punësojnë kandidatë për më pak. Mbajtja e shifrës të fshehtë mund të jetë gjithashtu një strategji negocimi. Publikimi i informacionit të pagave do të thotë gjithashtu që konkurrentët dhe punonjësit aktualë mund të shohin se çfarë paguan një kompani.
Në disa raste, punonjësit aktualë mund të zbulojnë se paguhen më pak, gjë që mund t’i shtyjë ata të kërkojnë më shumë ose të gjejnë një punë të re. CNN
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.