Jeni adhurues librash? Hidhini një sy vendndodhjes së bibliotekave më madhështore në botë

A nuk janë mahnitëse bibliotekat? Ato janë plot tregime të këndshme dhe plot me romane e enciklopedi të ndryshme.

Por në epokën digjitale që  jetojmë njerëzit kanë ndaluar së vizituari bibliotekat,  dhe çdo dit e më shumë bie numri i personave që adhurojnë këto ambiente.

Kjo në fakt është e turpshme pasi bibliotekat duhet të konsiderohen si vendet me më shumë vlerë në të gjithë botën. Ato janë disa godina që mahnitëse, dhe kjo jo vetëm prej arkitekturës së  tyre por dhe për qetësinë që i karakterizon këto vende.

Biblioteka të bukura ekzistojnë  në çdo cep të botës, por ne kemi veçuar 10 që meritojnë të përmenden. Nëse jeni një adhurues librash, apo udhëtarë kuriozë, këto 10 biblioteka madhështore  meritojnë një vizitë.

1. Biblioteka e qytetit Stuttgart, Gjermani

Kjo bibliotekë mund të duket si një burg për librat, por është vërtet një mrekulli nëse e vizitoni.  Shkallët e hapura, hapësira e madhe do t’ju lënë pa frymë. Kjo bibliotekë është dizenjuar nga koreani  Eun Young Yi dhe është ndërtuar në vitin 2011. Nëse shkoni në Gjermani futeni në listën tuaj të vizitave edhe këtë bibliotekë.

2. Biblioteka Kombëtare, Minsk, Bjellorusi

Biblioteka Kombëtare është një nga mrekullitë e  Minskut dhe është ndërtuar në formën e një tetëkëndëshi.  Ndërtesa është 22 metra e gjatë dhe mban mbi 8 milion artikuj. Ndërtesa mund të mbaj rreth 2.000 lexues dhe përmban një sallë konferencash me 500 vende. Është projektuar nga arkitektët Mihail Vinogradov dhe Viktor Kramarenko dhe u hap më 16 Qershor 2006.

3. Biblioteka Alexandrina, Egjipt

Biblioteka Alexandrina u ndërtua në nder të Bibliotekës së lashtë të Aleksandrisë, e cila u konsiderua si një nga shtatë mrekullitë e botës. Ajo përfaqëson një bibliotekë të madhe dhe qendër kulturore të vendosur në bregun e detit Mesdhe në qytetin Egjiptian të Aleksandrisë. Arkitektura e bibliotekës është e habitshme ku dhoma kryesore e leximit  qëndron nën një çati prej 32 metrash , e drejtuar drejt detit si një orë diellore. Kompleksi ka një qendër konferencash, biblioteka të specializuara për harta, multimedia, salla për të  verbrit dhe të paaftë për shikim, për të rinjtë dhe për fëmijët, katër muze, katër galeri  arti për ekspozita të përkohshme, 15 ekspozita të përhershme, si dhe një laborator për restaurimin e dorëshkrimeve. A nuk është e mahnitshme?

4. Libraria Tu Deft, Holandë

Kjo bibliotekë do t’ju mërzit në shikim të parë. E gjithë ndërtesa është  nën tokë dhe ajo që shihni është një kodër me bar dhe një kon i madh që simbolizon teknologjinë. Biblioteka në Universitetin e Teknologjisë Delft u ndërtua në vitin 1997 dhe ka më shumë se 862,000 libra.

5. Biblioteka kryesore e Salt Lake

Me strukturën arkitektonike unike, kjo bibliotekë e mrekullueshme është një nga atraksionet më të mira të Jutas. U hap në shkurt të vitit 2003, është projektuar nga arkitekti i mirënjohur ndërkombëtar Moshe Safdie. Ka kaq shumë gjëra që e bëjnë këtë bibliotekë interesante, duke filluar nga harku gjashtë-katësh, duke përfunduar tek muret e përthyera. Një nga gjërat më tërheqëse rreth bibliotekës është drita natyrale që vjen nga të gjitha anët e saj.

6. Biblioteka Admont në Admont, Austri

Kjo sallë e bibliotekës u projektua në stilin barok nga arkitekti Joseph Hueber në 1776 me një sallë gati 230 metra të gjatë që përmban 200,000 vëllime. Tavanet ishin pikturuar nga Bartolomeo Altomonte dhe tregonin fazat e dijes njerëzore, deri në pikën më të lartë. Biblioteka është e vendosur në ultësirat e Alpeve dhe është biblioteka e dytë më e madhe e manastirit në botë.

7. Biblioteka Publike Bishan, Singapor

Ka kaq shumë gjëra që mund të pëlqeni në këtë bibliotekë, duke filluar që nga arkitektura dhe duke përfunduar tek sallat private të leximit. Biblioteka është e vendosur në zemër të Bishan, dhe është plot 4,000 metra katrorë.

8. Biblioteka Vennesla dhe Shtëpia e Kulturës, Vest-Agder, Norvegji

Projektuar nga arkitektët norvegjez Helen & Hard, kjo bibliotekë interesante sjell një elegancë të sofistikuar në objektin publik në Norvegji. Ajo u hap në vitin 2011.

9. Biblioteka e José Vasconcelos, Meksikë

Nuk është çudi që kjo bibliotekë gjigante ka pseudonimin “megalibri”. Ajo merr një duzinë 409.000 metra katrorë dhe ka mbi 500.000 libra të shfaqur në raftet e xhamit të varur nga pesë anët e ndërtesës. Biblioteka iu dedikua José Vasconcelos, filozofit dhe ish kandidatit presidencial dhe ish-presidentit të Bibliotekës Kombëtare të Meksikës.

10. Salla e Kolegjeve të Mëdha në Dublin, Irlandë

Trinity College është shtëpia e bibliotekës më të madhe të Irlandës. Ajo mban mbi 200,000 vëllime. Ka të drejta për të marrë materiale falas në Republikën e Irlandës dhe është e vetmja bibliotekë irlandeze që ka të drejta të tilla. Është vërtetë një mrekulli .

Ylber Shehu/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.