Kërkesa europiane për gaz pritet në rënie – IEA: Rritja e lartë e çmimeve ka bërë qymyrin më konkurrues për energji
Kërkesa europiane për gaz pritet të bjerë këtë vit, ndërkohë që rritja e vazhdueshme e çmimeve, pritet ta bëjë qymyrin më konkurrues për gjenerimin e energjisë, ndërkohë që rritja e kërkesës aziatike mund të ngadalësohet , sipas Agjencisë Ndërkombëtare të Energjisë. Vitin e kaluar, konsumi europian i gazit u rrit me nje normë të vlerësuar prej 5.5%, në 552 miliarde metra kub. Megjithatë, kërkesa pritet të bjerë me rreth 4.5% këtë vit, në 527 miliardë metra kub, nxitur pjesërisht nga rënia e djegies së gazit në esktorin e energjisë, që pritet me -6% nga viti 2021, sipas raportit tremujor për gazin të agjencisë. Çmimet europiane dhe aziatike të gazit janë rritur në nivele rekord në vitin e kaluar, ndërsa çmimet amerikane prekën nivelet më të larta në1 dekadë, nxitur rënia e ofertës, niveleve të ulëta të inventarëve dhe ndërprerjeve në infrastrukturë.
Edhe pse çmimet e qymyrit janë rritur gjithashtu, ato kanë mbetur mbrapa rritjeve në çmimet e gazit, duke bërë që kostot afat-shkurtër marxhinale të jenë në favor të përdorimit të qymyrit për energji. Në Europë, furnizimet më të uleta se zakonisht nga Rusia, së bashku me shqetësimet mbi ndëprerjet e ofertës në rast të sanskioneve kundër Rusisë nëse pushton Ukrainën, kanë bërë që çmimet të qëndrojnë të fryra në mënyrë të vazhdueshme dhe incentivuar përdorimin më të madh të qymyrit.
Këtë vit, çmimet europiane dhe aziatike të gazit natyror të Lëngshën (LNG), pritet të arrijnë në një mesatare prej $26 për milionë njësi termike britanike (mmBtu) dhe 27 dollarë për njësi, në mënyrë respektive, që janë mesatare vjetore të nivelit rekord. Aktualisht, kontrata hollandeze e gazit për muajin Mars ndodhet në 30 dollarë për milionë njësi termike britanike, ndërsa çmimi spot aziatik për gazin e lëngsëhm për Marsin, në 27dollarë për njësi mmBtu. Sipas agjencisë, çmimet e larta pritet të vazhdojnë deri në mes të këtij viti dhe më pas të tërhiqen, nëse disponueshmëria e ofertës përmirësohet.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.