Kina dërgon mjekë dhe pajisje mjekësore Serbisë, si ndihmë për të përballuar përhapjen e Koronavirusit
Kina dërgoi gjashtë mjekë, ventilatorë dhe maska mjekësore në Serbi për të ndihmuar Beogradin të ndalonte përhapjen e infeksionit të koronavirusit. “Një falënderim i madh për Presidentin Xi Jinping, partinë komuniste kineze dhe popullin kinez,” tha Presidenti serb Aleksandar Vucic.
Autoritetet serbe kanë raportuar 171 persona të testuar pozitivisht ndaj koronavirusit dhe një vdekje. Qeveria të premten prezantoi masa më të rrepta, duke përfshirë mbylljen e kafeneve, restoranteve dhe parqeve dhe prezantoi një shtetrrethimi nga 8 pasdite deri në ora 5 paradite.
Por ekspertët mjekësorë kanë paralajmëruar kulmin e epidemisë që pritet në javët në vijim. Vuçiç tha se një nga sallat në Panairin e Beogradit do të shndërrohet në një spital me 3,000 shtretër për të akomoduar personat e infektuar me koronavirus. Ekspertët mjekësorë kinezë do të takojnë homologët e tyre serbë dhe do të propozojnë masa për të ndaluar përhapjen e infeksionit.
“Ne do t’i dëgjojmë ato që thonë ata,” tha Vuçiç. Ambasadori i Kinës në Beograd, Chen Bo, tha se ndihma ishte një shenjë e “miqësisë së hekurt” midis dy vendeve. Serbia, e cila aspiron të anëtarësohet në Bashkimin Europian, ka zhvilluar lidhje të ngushta me Kinën gjatë dekadës së fundit.
Pekini ka zgjeruar kredi në vlerë miliarda dollarë për të ndërtuar hekurudha, rrugë dhe termocentrale në Serbi, kryesisht duke përdorur punëtorë kinezë dhe ka blerë të vetmen minierë bakri të Serbisë dhe një fabrikë çeliku. (Reuters)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.