Kina është shpresa më e mirë e Rusisë për të zbutur sanksionet, por e matur!

Kina është i vetmi mik që mund të ndihmojë Rusinë të zbusë ndikimin e sanksioneve ekonomike për pushtimin e saj në Ukrainë, por qeveria e presidentit Xi Jinping nuk po jep asnjë shenjë se mund të jetë e gatshme të rrezikojë aksesin e saj në tregjet e SHBA-së dhe Europës duke bërë më shumë.

Edhe nëse Pekini do dëshironte, aftësia e tij për të mbështetur presidentin Vladimir Putin duke importuar më shumë gaz rus dhe mallra të tjera është e kufizuar.

Marrëdhëniet me Moskën janë ngrohur që kur Xi mori pushtetin në vitin 2012, të motivuara nga pakënaqësia e përbashkët e Uashingtonit, por interesat e tyre mund të bien ndesh. Ndërsa ushtritë e tyre mbajnë stërvitje të përbashkëta, Putin nuk është i shqetësuar për praninë në rritje ekonomike kineze në Azinë Qendrore dhe Lindjen e Largët të Rusisë.

Në përgjigje të pushtimit, Uashingtoni, Britania, Bashkimi Europian 27-vendesh dhe aleatë të tjerë perëndimorë kanë njoftuar ose premtuar sanksione kundër bankave, zyrtarëve, liderëve të biznesit dhe kompanive ruse, si dhe kontrolle të eksporteve që synojnë t’i lënë të uritura industritë dhe ushtria ruse për produkte teknologjike.

Qeveria e Xi mund të mbështesë Putin brenda këtyre kufijve – dhe kompanitë kineze mund të përdorin situatën për të ndjekur marrëveshje më të mira – por do të refuzojë të shkelë hapur sanksionet dhe të jetë në shënjestër të ndëshkimeve, thanë ekspertët.

Tregtia kineze me Rusinë u rrit në 146.9 miliardë dollarë vitin e kaluar, por kjo është më pak se një e dhjeta e tregtisë totale prej 1.6 trilion dollarësh të Kinës me Shtetet e Bashkuara dhe Bashkimin Evropian. Kina, ekonomia e dytë më e madhe në botë, është e vetmja qeveri e madhe që nuk e ka dënuar pushtimin.

Blerjet shumë miliarda dollarësh të gazit rus të Kinës për ekonominë e saj të uritur për energji kanë qenë një mjet shpëtimi për Putin pas sanksioneve tregtare dhe financiare të vendosura në vitin 2014 lidhur me kapjen e Krimesë nga Ukraina.

Qeveria e Putin e ka kaluar dekadën e fundit duke u përpjekur të zgjerojë eksportet në Lindjen e Largët për të reduktuar varësinë në tregjet europiane. Moska dhe Pekini po përpiqen të de-dollarizojnë, ose të përdorin më pak monedhën amerikane në tregti, për të reduktuar ekspozimin e tyre ndaj sistemit financiar amerikan dhe presionit zyrtar.

Kina bleu një të gjashtën e totalit të eksporteve të Rusisë vitin e kaluar dhe dy të tretat e tyre ishin naftë dhe gaz, sipas Rajiv Biswas, kryeekonomisti i Azi-Paqësorit për IHS Markit.

Kina dëshiron më shumë gaz, por Moska nuk mund të japë menjëherë. Tubacionet që lidhin dy vendet janë të ngarkuara plotësisht. Ata nënshkruan një marrëveshje 30-vjeçare furnizimi muajin e kaluar, por thanë se tubat për të transportuar atë gaz nuk do të përfundojnë për të paktën tre vjet.

Gjithashtu këtë javë, Kina njoftoi se do të lejojë importet e grurit nga të gjitha pjesët e Rusisë për herë të parë. Kjo nuk mund të zëvendësojë të gjitha të ardhurat e humbura nga gazi nëse Europa ndalon së bleri, por mund të ndihmojë në rritjen e të ardhurave të fermerëve rusë.

Megjithatë, ai njoftim erdhi me një paralajmërim që duket si një pengesë e mundshme: dërgesat duhet të mbahen pa një kërpudhat që e bëri Kinën më herët të shmangte grurin rus. Moska gjithashtu mund të ketë ulur vullnetin e Pekinit për të ndihmuar duke nisur pushtimin e tij pasi Xi miratoi ankesat ruse për sigurinë dhe zgjerimin e aleancës ushtarake të NATO-s në një deklaratë me Putin muajin e kaluar.

Qeveria e Xi është përpjekur të distancohet nga sulmi duke kërkuar respekt për sovranitetin kombëtar, për të cilin ministri i Jashtëm Wang Yi tha fundjavën e kaluar përfshin Ukrainën. AP

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.