Koktejlet më të reja, tashmë të dedikuara për Trump dhe Kim Jong Un!
Baret në kryeqytetin e Vietnamit mbështesin samitin midis presidentit amerikan Donald Trump dhe udhëheqësit të Koresë së Veriut, Kim Jong Un, në një formë shumë interesante. Ata kanë pregatitur veçanërisht për samitin pije të veçanta si simbol i marrëveshjes mes tyre.
“Kjo pije është një vullkan, prandaj birra ka aromë tërheqëse dhe djegëse por duke lënë një shije të freskët”, tha Anh, drejtues i një prej bareve.
Trump dhe Kim do të takohen në 27-28 shkurt, duke ndjekur samitin e tyre të parë historik në Singapor në qershor, ku premtuan të punonin drejt denuklearizimit të plotë të gadishullit Korean.
Një tjetër koktejl i frymëzuar nga samiti, është një koktejl klasik i quajtur ‘Negroni’. “Shpresoj që të gjitha delegacionet të vijnë këtu dhe të pijnë nga një koktej”, tha Ursat. “Do të lehtësojë negociatat pasi pas një ose dy pijeve është më e lehtë të flitet”.
“Fireball është aq i fortë sa Trump. Është një koktejl i ëmbël, por është gjithashtu shumë i zjarrtë “, tha drejtuesi i një bari tjetër, për Reuters.
Bizneset kanë filluar të praktikojnë taktika nga më të ndryshmet për të përfituar financiarisht nga kjo gjendje, madje një berber ofron shërbim pa pagesë për këdo që dëshiron të kopjojë flokët e veçantë të Trump dhe Kim.
E.Z/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.