Kongresi botëror i naftës – Zhvillohet çdo 3 vite, 70 vende anëtare, Shqipëria jo
Në Stamboll të Turqisë ka filluar punimet kongresi i 22-të botëror i naftës, më i madhi në llojin e tij në sektor.
Kjo është hera e parë që kongresi zhvillohet në Turqi. Tre vite më parë u zhvillua në Moskë.
Pjesëmarrës të kongresit do të jenë rreth 5000 delegatë. Mes tyre është edhe kryeministri i vendit Edi Rama, por edhe Presidenti i Serbisë Alexandar Vucic. I pranishëm është edhe kryeministri bullgar, Borisov.
Presidenti Erdogan ka parashikuar një drekë të përbashkët me krerët e shteteve. Pas takimit të Dielën me presidentin Erdoagn, kryeministri Rama do të pritet në një takim edhe nga homologu i tij, Binali Yildirim.
Kongresi botëror i naftës zhvillohet nga këshilli që mban të njëjtin emër, çdo tre vite. Ky këshill numëron 70 vende anëtare, dhe Shqipëria nuk është një prej tyre, ndërkohë që vendet e tjera të rajonit janë.
Pjesëmarrja e kryeministrit të vendit në këtë kongres ndoshta mund të përkthehet në një anëtarësim të shpejtë të Shqipërisë në këtë këshill.
Kongresi i Stambollit përfshin edhe një ekspozitë gjigande për sektorin.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.