Kultivimi i orizit me ujë të kripur?! Shkencëtarët kryejnë një eksperiment “të vështirë” por të suksesshëm. Rriten shpresat për fermerët
Një shkencëtar në moshës 87 vjeçare në Kinë, i quajtur Yuan Longping ka zhvilluar me sukses një eksperiment për kultivimin e orizit, duke përdorur ujin e detit.
Orizi përbën një ndër ushqimet kryesore për mbarë popullsinë globale, por përmbushja e kërkesës është e vështirë për shkak të mungesës së ujit të ëmbël që kërkohet për kultivimin e tij.
Rritja e orizit me ujëra të kripura, duket pothuajse i pamundur, sepse kripa thekson procesin e absorbimit të ujit nga bimët. Në mënyrë të veçantë, uji i kripur e bën fotosintezën dhe frymëmarrjen më të vështirë për gjethet dhe ngadalëson rritjen deri në vdekje.
Për hulumtimin e tij, Longping mbolli 200 lloje të ndryshme të orizit me tolerancë ndaj kripës në Qendrën e Kërkimit dhe Zhvillimit të Rajonit në Detin e Verdhë. Sipas mediave në Kinë, pas përpjekjeve të tij, u kultivuan 8,030 kilogramë oriz.
Po sipas mediave edhe pse premtues për vitet e ardhshme, eksperimenti i Longping nuk i imitonte kushtet aktuale në Kinë, pasi përdorte ujë me një përqendrim kripe shumë më të ulët sesa mund të gjendej në natyrë.
“Është ende vetëm 10 për qind e nivelit të kripës në ujërat e detit”, thotë Asistentdrejtor i Përgjithshëm për Bujqësi në Organizatën e Kombeve të Bashkuara për Ushqimin dhe Bujqësinë (UN FAO) Ren Wang.
Ndonëse ky eksperiment rezultoi me sukses, përpara shfaqet ende një rrugë e gjatë për t’iu ardhur në ndihmë fermerëve të zakonshëm që kultivojnë orizin.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.