Mjekët në Britani, thirrje urgjente për masa – Rritje e madhe e rasteve me Covid. Monitorojnë për mutacion të ri
Mjekët në Mbretërinë e Bashkuar i kanë bërë thirrje urgjente qeverisë që të rivendosë masa të Covid-19 për shkak të rritjes së nivelit të infeksioneve dhe shtrimit në spital tek vendi, ndërsa paralajmëruan se po monitorojnë për një mutacion të ri. Liderët e Shëndetësisë paralajmëruan se Britania rrezikon të “zhytet” në një krizë të dimrit, nëse qeveria nuk zbaton planin B, një premtim që bëri muajin e kaluar ku do rivendosë masa të Covid nëse të dhënat sugjerojnë se Shërbimi Kombëtar i Shëndetësisë do përballet me presion të madh.
Zyrtarët tek konfederata e Shërbimit Kombëtar të Shëndetësisë , që përfaqësojnë organizata përmes sektorit shëndetësorë në Britani, lëshuan një deklaratë ku i bënë thirrje qeverisë që të prezantojnë masa si detyrimi i maskave në vende të mbyllura. Ata paralajmëruan se institucioni po sheh rritje shqetësuese të rasteve me koronavirus në spitale dhe komunitet në një kohë kur po përgatitet për periudhë të zënë të dimrit dhe pret një rimëkëmbje tek shumica e shërbimeve që u ndërprenë nga pandemia.
Britania po regjistron 40,000 deri në 50,000 raste në ditë me Covid dhe numri i shtrimeve në spital dhe vdekjeve po rritet në mënyrë të qëndrueshme, pavarësisht se me një normë më të ulë se më herët gjatë pandemisë, falë vaksinave. Në 24 orët e fundit, Britania regjistroi 43,738 raste të reja me Covid, në rënie nga rastet e së Hënës prej 49,156, që ishte dhe numri më i madh në 3 muaj. Deri më tani, Britania ka regjistruar mbi 8.5 milionë raste me Covid dhe 138,852 vdekje, që është një nga shifrat më të zymta në botë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.