Nis vaksinimi në Serbi – Kryeministrja Ana Brnabić mori vaksinën e parë

Në Serbi të enjten ka nisur vaksinimi i popullsisë kundër virusit COVID-19. E para që mori vaksinën e kompanive Pfizer dhe BioNtech në Institutin “Torlak” për Virologjinë ishte kryeministrja e vendit Ana Brnabiç. Më pas vaksinën e morën edhe ministry i Punës dhe dy virologë, anëtarë të shtabit të krizave.

Sasitë e para të 4800 vaksinave të Pfizer dhe BioNtech mbërritën në Serbi të martën dhe nga e enjtja ato do të merren nga përdoruesit e shtëpive të të moshuarve në Beograd dhe Novi Sad. Serbia është vendi i parë në rajon që siguroi vaksinën nga kompanitë Pfizer dhe BioNtech. Sipas zyrtarëve, 20 mijë doza të tjera të vaksinës pritet të mbërrijnë brenda disa ditësh, ndërkohë që 340,000 doza të tjera priten në muajin janar.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.