OPEC, në optimizëm për 2022 – Karteli rrit projeksionet për kërkesën. “Omicron, ndikim të lehtë”

OPEC ka rritur projeksionet për kërkesën botërore për naftë në tremujorin e parë 2022 dhe ka mbajtur të pandryshuar pritshmëritë për një rikthim në nivele të para pandemisë, duke thënë se varianti Omicron mund të ketë një ndikim të lehtë dhe të përkohëshëm.  Perspektiva pozitive nga Organizata e vendeve Eksportuese të Naftës vjen ndërkohë që çmimet kanë rikuperuar një pjesë të rënies që ndodhi kur u shfaq varianti muajin e kaluar.  Megjithatë, Organizata Botërore e Shëdnetësisë thotë se Omicron përbën një rrezik të madh në nivel global. Në raportin mujor, OPEC theksoi se pert që kërkesa botërore për naftë të arrijë në një mesatare prej 99.13 milionë fuçi në ditë në T1 2022, në rritje me 1.11 milionë fuçi në ditë nga projeksioni i kaluar.

“Një pjesë e rimëkëmbjes që pritej më parë në tremujorin e fundit 2021, është zhvendosur tashmë në T1 2022, që do të ndiqet nga një rimëkëmbje më e qëndrueshme përgjatë gjysmës së ditë të vitit”- deklaroi Organizata në raport.  “Për më tepër, ndikijmi i variantit të ri Omicron, pritet të jetë më i butë dhe afat-shkurtër, ndërkohë që bota përgatitet më mirë të manaxhojë Covid-19 dhe sfidat e pandemisë”- shton raporti.  Nafta ra me 10% më datë 26 Nëntor, kur u raportuan rastet e variantit të ri, pasi tregtarët u shqetësuan për një goditje të re të kërkesës.

Megjithatë, OPEC vendosi më 2 Dhjetor që të mos ndryshojë rritjen e planifikuar të prodhimit për Janarin. Në raport,  OPEC mbajti të pandryshuar projeksionin e rritjes së kërkesës botërore të naftës me 4.15 milionë fuçi në ditë në vitin 2022.  Konsumi botëror pritet të kalojë 100 milionë fuçi në ditë në tremujorin e tretë 2022, në linjë me projeksionet.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.