Presidenti Aleksandër Lukashenko: ‘Askush nuk do të vdesë nga koronavirusi në Bjellorusi’

Presidenti i Bjellorusisë Aleksandër Lukashenko tha se askush nuk do të vdiste nga koronavirusi në vendin e tij dhe përsëri hodhi poshtë çdo nevojë për masat e rrepta të bllokimit të miratuara nga shumica e vendeve në lidhje me pandeminë.

Në kontrast të ashpër me vendet e tjera të Europës, Bjellorusia ka mbajtur kufijtë e saj të hapur dhe madje ka lejuar që ndeshjet e futbollit në ligën kombëtare të luhen përpara tifozëve.

“Askush nuk do të vdesë nga koronavirusi në vendin tonë. Unë e deklaroj publikisht këtë,” tha Lukashenko. “Ne kemi gjetur tashmë kombinime të barnave për të shpëtuar njerëzit”.

Ministria e shëndetësisë ka raportuar 2,919 raste të konfirmuara të koronavirusit dhe 29 vdekje në Bjellorusi. Por Lukashenko tha që vdekjet ishin rezultat i kushteve themelore shëndetësore te pacientët, të tilla si sëmundjet e zemrës dhe diabeti.

“Prandaj, unë them që asnjë person i vetëm nuk vdiq thjesht nga koronavirusi”. Ai gjithashtu inkurajoi njerëzit që të mbajnë një qëndrim pozitiv. “Nëse një person qëndron pozitiv, ata do të jenë të shëndetshëm,” tha Lukashenko, siç citohet nga agjensia shtetërore BelTA.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.