Punonjësit e portit të Pireut në grevë kundër grupit kinez të transportit COSCO!

Punëtorët e kontejnerëve në Portin e Pireut, i cili është në pronësi maxhoritare të grupit kinez të transportit COSCO, do të mbajnë një grevë 24-orëshe të enjten, duke protestuar ndaj një propozimi financiar të përfshirë në marrëveshjen e tyre kolektive të punës të paraqitur nga kompania.

Në një njoftim, Sindikata e Punëtorëve të Kontejnerëve të Portit të Pireut (ENEDEP) tha se kërkon që COSCO të paguajë tarifat shtesë për punën e natës, si dhe të shtunave, të dielave dhe festave. Ajo kërkoi gjithashtu ndryshimin e kontratave të punëtorëve me kohë të pjesshme për me kohë të plotë.

“Ata duhet të na sjellin një marrëveshje kolektive të punës që garanton mbijetesën dhe dinjitetin tonë, sepse ne e çuam portin në majën e Evropës dhe [sjellëm] dhjetëra miliona për aksionerët e COSCO dhe DPORT”, tha ENEDEP në një deklaratë për shtyp.

Punëtorët gjithashtu organizuan një largim nga puna deri në mesnatën e së mërkurës. ENEDEP është një nga dy sindikatat që përfaqësojnë punëtorët që trajtojnë kontejnerët në portin e Pireut. Ekathimerini

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.