Rritet në 25% inflacioni turk – Më i larti në 15 vite

Inflacioni vjetor i Turqisë u rrit në 25 për qind në muajin tetor, tregojnë të dhënat zyrtare sipas CNBC, duke arritur normën më të lartë në 15 vite dhe duke nënvizuar ndikimin e qëndrueshëm të një krize të monedhës në ekonomi.

Çmimet e konsumit u rritën muaj pas muaji me 2.67 për qind, sipas të dhënave të Institutit të Statistikave të cilat treguan më shumë se parashikimet prej 2.0 për qind të Reuters. Inflacioni i muajit tetor u nxit nga një rritje prej 12.74 për qind në muaj për rrobat dhe çmimet e këpucëve dhe një rritje prej 4.15 për qind në çmimet e shtëpive.

Ka pasur një reagim të vogël nga lira, e cila u dobësua në 5.44 kundrejt dollarit nga 5.43 më parë. Monedha është rikuperuar kohët e fundit nga një shitje e shtyrë nga shqetësimet mbi pavarësinë e bankës qendrore. Muajin e kaluar, banka qendrore e Turqisë la normën e interesit të saj bazë të pandryshuar, pas një rritjeje të madhe në shtator dhe tensioneve të lehtësuara me Shtetet e Bashkuara. Ndikimi i rënies së madhe të lirës në ekonomi ende ndihet me treguesit kryesorë siç janë besimi i konsumatorëve dhe ekonomia që bie në nivele të ulëta afatgjatë dhe qeveria që ul parashikimet e saj të rritjes për tre vitet e ardhshme.

Çmimet e prodhuesve u rritën 0.91 për qind nga muaji në muaj në tetor për një rritje vjetore prej 45.01 për qind.

e.t/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.