Serbia shpall gjendjen e jashtëzakonshme prej koronavirusit/ Vuçiç: Asnjë i huaj nuk pranohet të hyjë përvec mjekëve kinezë!
Serbia shpalli gjendjen e jashtëzakonshme të Dielën për të ndaluar përhapjen e koronavirusit të ri, duke mbyllur shumë hapësira publike, duke vendosur ushtarë për të ruajtur spitalet dhe duke mbyllur kufijtë për të huajt. Presidenti i Serbisë Aleksandar Vuçiç tha se kufizimet e reja ishin të domosdoshme për të “shpëtuar të moshuarit tanë” në shtetin e Ballkanit prej rreth shtatë milion njerëzish, i cili numëroin tashmë rreth 50 të ifektuar me COVID-19.
“Nga nesër, nuk ka më shkollë, as çerdhe, as universitete, gjithçka mbyllet, nuk ka stërvitje, sport … ne do të mbyllemi për të shpëtuar jetën tonë, për të shpëtuar prindërit tanë”, tha ai. Ushtria do të mobilizohet për të ruajtur “vendet e rëndësishme” si spitalet ku pacientët me koronavirus po trajtoheshin, shtoi ai.
Dekreti nuk shkon aq sa masat drakoniane të bllokimit të vendosura në vendet më të goditura evropiane, si Italia dhe Spanja, ku qindra kanë vdekur. Vuçiç implikoi vetëm ata mbi moshën 65 vjeç që të qëndronin brenda. Specifikat e kufizimeve të reja, të tilla si orët e hapjes për kafene dhe bare, do të bllokohen në një mbledhje të qeverisë, tha ai.
“Unë u them të huajve: mos ejani në Serbi, përveç kinezëve që janë thirrur të vijnë, mjekët e tyre, njerëzit që na ndihmojnë”, shtoi Vuçiç. Presidenti, i cili po përpiqet të çojë Serbinë në Bashkimin Europian, por gjithashtu ka nxitur lidhje të ngrohta me Pekinin, tha se ndihma e Kinës ishte vendimtare në mungesë të “solidaritetit europian”.
Kryeministrja e vendit, Ana Brnabic konfirmoi se kufijtë e Serbisë do të ishin të mbyllura për të gjithë të huajt “sonte” (e diel), përveç diplomatëve dhe banorëve me kohë të plotë. Shtetasit serbë që kthehen nga pikat e nxehta të shpërthimit do të karantinohen nga 14 deri në 28 ditë, shtoi ajo. Ata që shkelin kushtet e karantinës mund të përballen me burg deri në tre vjet. (AFP)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.