Sidnej, në javën e tetë të bllokimit – Autoritetet do të rrisin gjobat për njerëzit që shkelin rregullat e bllokimit COVID

Australia do të rrisë gjobat për njerëzit që shkelin rregullat e bllokimit në shtetin e New South Wales pasi po lufton me një kërcim rekord në infeksionet lokale COVID-19 dhe Sidnej, kryeqyteti i shtetit, shkon në javën e tij të tetë të bllokimit, thanë zyrtarët.

Infeksionet e transmetuara në vend u rritën me 466 gjatë 24 orëve të fundit në shtetin më të populluar të Australisë, ku policia do të gjobisë në vend njerëzit deri në 5,000 dollarë australianë (3,700 dollarë amerikanë) për shkeljen e urdhrave të qëndrimit në shtëpi, shtuan zyrtarët.

Ndërsa situata përshkallëzohet, po bëhet gjithnjë e më pak e mundshme që Sidnej të përfundojë bllokimin e tij nëntë javor më 28 gusht siç ishte planifikuar fillimisht. Autoritetet kishin folur për lehtësimin e disa kufizimeve nëse mjaft njerëz vaksinohen dhe numri i rasteve bie.

Qindra persona të tjerë të forcave të rendit do të vendosen javën e ardhshme në Sidnej për të ndihmuar në zbatimin e bllokimit, ndërsa shpërthimi përhapet përtej qytetit më të madh të Australisë. Disa qytete në këtë shtet janë gjithashtu në bllokim për shkak të njerëzve që abuzojnë dhe përhapin virusin. Një gjobë e re prej 3,000 dollarësh do të zbatohet gjithashtu për njerëzit që hyjnë në zona të tjera të shtetit pa një leje zyrtare. Leja do të jepet vetëm për arsye të caktuara.

Klevis Llaha/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.